Nor gara
Ingurumen Heziketarako Zerbitzua, Iruñeko Udaleko Proiektu estrategikoetako, Mugikortasuneko eta Jasangarritasuneko Alorraren barruan dago. 2016an sortu zen zerbitzu hori, Udalak Ingurumen Heziketarako Museoa berreskuratu zuenean, ingurumen-heziketa hiri osora hedatzea zuela helburu.
Honako printzipio hauetan oinarritzen den Ingurumen Heziketaren ikuspegi batetik lan egiten du Zerbitzuak: eragileekin batera koordinatua eta integratua izatea, eraldatzailea eta proaktiboa, partizipatiboa eta parte-hartzea erraztuko duena, berritzailea, eta hitzen eta ekintzen arteko koherentzia zaintzen duena.
Helburuak
Ingurumen Heziketa garatzea hezkuntza-komunitatean, betiere ikuspegi zabal batetik eta hezkuntza-premia guztiak jasotzeko ahalmenaz.
Dinamika eraldatzaileak sustatzea herritarren artean.
Ingurumen Heziketa martxan jartzea erakundearen barruan ere.
Ingurumen Heziketari buruzko ekintzak hedatzea eta haien berri ematea.
Lan-ildoak
Ingurumen Heziketa Udalean bertan, hezkuntza-komunitatean eta herritarrengan txertatzea, horra hiru jarduera-ildoak; zeharka, berriz, Zerbitzuak Ingurumen Heziketarako Museoaren ekipamendua kudeatzen du eta heziketa horren komunikazioaz, hedapenaz eta horri buruzko trebakuntzaz arduratzen da.
Hezkuntza-komunitatea
- Eskola Baratze Ekologikoen Programa
- Material ibiltariak
- Online Jarduerak
- “Planeta dantzan” Hezkuntza-programa
- “Natura sentitu” Programa
- Museoa zeureganatu
- Mendillorriko lakuaren inguruko heziketa-programa, auzoko ikastetxeei zuzendua
- Jarduera gidatuak Ingurumen Heziketarako Museoan edo kanpoaldean
- Ecozine Film Jaialdiaren gazteentzako atala
- “Energia xahutzearen kontrako ekintza taldea” gamifikazio-tresna
Herritarrak
- Jasangarritasun Eskola
- Museoa zeureganatu
- Ingurumen-arloko boluntarioak
- Edalontzi berrerabilgarriei buruzko kanpaina
- Ecozine Film Jaialdia
- Opor-garaietako ingurumen-lantegiak
- Iruña berdea da
- Klima ekintzarako taldea
Udala
- Ingurumen-jardunbide egokiei buruzko trebakuntza eta sentsibilizazioa udal-langileei.
- Udaleko sail eta zerbitzuen arteko lankidetza eta koordinazioa Ingurumen Heziketaren arloan.
