Hitzaldi-solasaldia: Klima-aldaketaren ondorioak gure ibaietan

Ibaien ezaugarriak ur-ibilgutik eta haren dimentsiotik harago doaz. Nafarroan hainbat ibai-sistema eta -arro deskriba daitezke, eta klima-aldaketaren ondorioz, hainbat inpaktu ikusten ahal dira haietan: erregimen plubiometrikoa, lurzoruaren erabilerak, muturreko gertaerak, ekosistemekin lotutako zerbitzuak, etab.

Saio honetan, Nafarroan klima-aldaketaren inguruan eginiko jardueren berri emanen da, baita horrek ibai-sistemetan duen eraginaren berri ere, besteak beste:

• Ibaia, ibai-sistemak eta klima-aldaketaren agertokiak Nafarroan
• Emaria, ibilgua eta arroa. Klimaren ondoriozko ezaugarriak eta klima-aldaketaren ondorioak.
• Ibai-sistema. Ur-baliabideak, higadura-profila, lehortea, uholdeak…
• Pertsonek ibaiaz egiten duten erabilera.
• Birnaturalizazioa, erregulazioa, eskumenak, adibideak eta jardunbide egokiak.
• Arga ibaiaren zenbait berezitasun Iruñerrian.
• Aurreikusitako egokitzapen-neurriak (natura, paisaia, lurralde- eta hirigintza-antolamendua)

Dámaso Munarriz Guezala geografoa da, lurralde-antolamenduko teknikaria eta klima-aldaketari, baliabideen kudeaketari eta kultura-ondarearen kudeaketari buruzko sentsibilizazioan aditua. NASUVINSA/LURSAREAn lan egiten du 2001etik.