Mendillorriko Aintzira hezkuntza-proeiktua

Hezkuntza-proiektu hau 2017-2018ko ikasturtean abiatu zen, xede harturik Hiri Ekologia eta Mugikortasun Jasangarriko Alorrak Mendillorriko Aintziran egindako esku-hartzea laguntzea, horrela hobetu eta leheneratzeko aintziraren ingurumen-egoera, narriaturik dago eta.

Horrenbestez, proiektuaren helburua izan da eskola-komunitatea subjektu aktiboa izatea hurbileko ingurunearen zaintzari eta herritarren sentsibilizazioari dagokienez, gune hori ikerketa- eta esperimentazio-laborategi txikia bihurtzea eta, hartara, Udalaren eta eskola-komunitatearen arteko lankidetza sustatzea.

Mendillorriko ikastetxeak izan dira proiektuaren hartzaileak, honako hezkuntza-etapetan: Lehen Hezkuntzako 5. eta 6. mailak eta Bigarren Hezkuntzako 1., 2., 3. eta 4. mailak.

Proiektuaren faseak:

Proiektua hainbat fasetan garatu da, ondoz ondoko hiru ikasturtetan zehar:

Partaidetza-prozesua ikasleekin

Lehen fasea 2017-2018ko ikasturtearen hirugarren hiruhilekoan jarri zen abian. Ingurumen Hezkuntzako Zerbitzuak esku-hartze partizipatibo bat egin zuen ikasleekin, horren bidez Mendillorriko Aintzirari buruzko informazioa eta sentsibilizazioa hobetzeko ekintza-plan bat taxutze aldera.

Esku-hartze horretarako 21 saio egin ziren El Lago HLHP, Mendillorri HLHP, Elorri zein Mendigoiti IPetako Lehen Hezkuntzako 5. eta 6. mailetako 235 bat ikaslerekin.

Ekintza Planaren garatzea

Udalak Ekintza Planaren bideragarritasun tekniko eta ekonomikoa aztertu zituen, eta bere gain hartu zuen ekonomikoki zein teknikoki bideragarriak ziren ekintzak garatzeko konpromisoa.

Ekintza Plan horren ildoari jarraikiz honako jarduera hauek garatu dira:

Informazio-bilerak ikasleekin: 2018-2019ko ikasturteari hasiera emateko, informazio-bilerak egin ziren Mendillorriko bost ikastetxeetako ikasleekin, Partaidetza-Planaren emaitza azaltze aldera.
Interpretazio- eta sentsibilizazio-ibilaldiak Aintziraren inguruan: 6 interpretazio-ibilaldi egin ziren Mendillorriko 200 bat ikaslerekin.
Unitate Didaktikoa: Unitate Didaktiko bat prestatu da hala Mendillorriko Aintziran nola ur gezako bestelako ekosistemetan ikasleek ikerketak eta esperimentuak egin ditzaten bultzatzeko. Helburua da ikastetxeek espazioa bereganatu eta laborategi gisa erabil dezaten, esperimentatzeko eta egoeraren jarraipena egiteko. Unitatea erabil dadin bultzatzeko, bi prestakuntza-saio egin dira irakasleekin. Unitate Didaktikoarekin batera “ur maleta” dago erabilgarri; bertan daude ikastetxeek maileguan har ditzaketen zenbait baliabide material eta pedagogiko, lan esperimentalerako lagungarri izanen zaizkienak: uraren kalitate fisiko-kimikoa neurtzeko gailuak, prismatikoak, lupak, eta abar.
Aintziraren inguruko zuhaitz eta zuhaixken seinaleztapena: seinale irudidunak paratu dira, aintziraren inguruko espezie autoktonoen zuhaitz eta zuhaixken izenez.
Land Art: proiektu bat garatu da Mendillorriko ingurua aldi baterako apaintzeko arte iraungikorraren bidez, Land Art delakoaren bidez, alegia. Bost ikastetxeetako 370 ikaslek parte hartu dute proiektuan. Esku-hartzea tokian-tokian egin aurretik ikasleek bi prestakuntza-lantegi egin zituzten ikasgeletan.

Mendillorriko hezkuntza proiektua

Ur-ekosistemei buruzko unitate didaktikoa
Ura, bizitza eta hiria

Euskara

Gazteleraz

Programa hau Iruñeko Hiri Agendaren barruan dago, eta hiri jasangarriago, berritzaileago eta inklusiboago baterako bidea errazten du. Zehazki, Iruñeko Eskola Baratze Ekologikoen programak honako GJH (Garapen Jasangarriko Helburu) hauetan sakontzen du:

Beste hezkuntza-programak