Eskola Baratze Ekologikoen Programa

Programa honen helburu nagusia da ingurumen-hezkuntzako haziak landatzea, norbanakoengan zein taldean aldaketak eraginen dituztenak gizarte jasangarriago baten alde aurrera egiteko.
Eskola-baratzeak, gainera, beste helburu batzuk bilatzen ditu, besteak beste, hauek:

Askotariko ezagumenduen ikasketa-ikasgela eskaintzea.
Ikasketa esanguratsua erraztea eskola-baratzean izandako esperientzien eta bizipenen bitartez.
Esperientziak eta balio etikoak, giza-balioak, ingurumenekoak, osasunekoak eta abar partekatzea.
Hezkuntza-komunitate osoaren parte-hartzea sustatzea.
Eskolako patioak, bereziki, eta hiria, oro har, atseginago egitea eta naturalizatzea.
Elikadura osasungarria eta hurbilekoa sustatzea.

“Eskola-baratze ekologikoak” programa, 2017-2018 ikasturtean jarri zen martxan. Orduz geroztik, ikastetxe ezberdinak parte hartu dute programan: CPEIP Rochapea, Sanduzelai IP, CPEIP Doña Mayor, CPEIP García Galdeano, Mendigoiti IP, CPEIP Mendillorri, Amaiur Ikastola, CPEIP Cardenal Ilundáin, Mendillorriko Haur Eskola, CEIP Ermitagaña eta Hegoalde Ikastola. 2023-2024 ikasturtean CEIP Vázquez de Mella eta Claret Larraona batuko dira.

Esperientziak partekatuz

CPEIP Doña Mayor

CPEIP Mendillorri

CPEIP Garcia Galdeano

Programa garatzeko, Ingurumen Heziketarako Zerbitzuak bere gain hartu ditu laguntza teknikoa emateko funtzioak. Hasieran, proiektua bultzatu eta haren barruan egiten diren jarduerei babesa ematen diegu. Ikastetxeek proiektuaren ardura berenganatu ahala, gutxituz doa gure laguntza, autonomiaz jarduteko gai diren arte. Batik bat honetan datza gure laguntza:

Ikastetxeko irakasleek Hezkuntza Sailak ziurtatutako formakuntza 1.urtean.
Errekurtso-didaktikoak: Baratzea dela-eta ikasleekin jakintza-alor anitzeko jarduerak egiteko proposamena.
Proiektuaren fase guztiak garatzen laguntzea, oro har.
Udalaren beste sail batzuekin koordinatzea, baliabideez hornitzeko eta, behar izanez gero, aholkularitza eskaintzeko, eta proiektu horretan diharduten ikastetxeen artean ere koordinatzea, esperientziak trukatu eta ideia eta proiektu berriak sortzeko.

Programa hau Iruñeko Hiri Agendaren barruan dago, eta hiri jasangarriago, berritzaileago eta inklusiboago baterako bidea errazten du. Zehazki, Iruñeko Eskola Baratze Ekologikoen programak honako GJH (Garapen Jasangarriko Helburu) hauetan sakontzen du:

Beste hezkuntza-programak

Eskola Baratze Ekologikoen Programa