Dirurik gabeko truke-azoka txikia

Erostearen ordez beste alternatiba bat eskaintzen da: berrerabilpena sustatzea. Horrela ingurumena zaintzen laguntzen da, lehengaiak eta energia aurrezten direlako. Azokan denetarik aurki daiteke: arropa, zapatak, beira-aleak, liburuak, jostailuak, etab. Parte-hartzaileek egoera onean dauden baina erabiltzen ez dituzten gauzak ekartzen dituzte, besteendako interesgarriak izanen direlakoan. Aste bakoitzean sei gauza trukatzen ahalko dira, gehienez ere, betiere antzeko balioa duten objektuen truke. Trukea Ingurumen Hezkuntzako Lantaldeak gainbegiratuko du, era orekatuan eta ordenatuan egiten dela bermatzeko.