Hiri Ekologiako Foroa (HEF) da, Bizikletaren Behatokiarekin batera, Iruñeko Udalaren Hiri Ekologia eta Mugikortasun Alorraren partaidetza-organoa. 2016ko otsailean sortu zen, herritarrentzako aholku-batzorde gisara, eta eginkizun hauek ditu: hiriaren egoera aztertzea, ingurumenaren aldetik; hiri-ekologiaren alorreko Udalaren lanaren jarraipena egitea eta Udalari neurriak proposatzea.

Partaidetza-eremu irekia da Foroa, baina ez ordezkatze- edo erabakitze-foro bat, haren proposamenak eta ondorioak ez baitira nahitaez bete beharrekoak. Ingurumenaren aldetik hiria zer egoeratan dagoen begiratzea, eztabaidatzea eta aztertzea da Foroaren eginkizuna, eta proposamenak egitea Iruñeko Udalari. Heziketa-, dibulgazio- eta sentsibilizazio-tresna bihurtzea da Foroaren asmoa.